Home > Thoughts । विचारांवर चर्चा > अजून चांगल्या गोष्टी

अजून चांगल्या गोष्टी

अजून चांगल्या गोष्टी

काही दिवसांपूर्वी मी ‘आजची चांगली गोष्ट’ हा लेख लिहिला होता. छोट्या दु:खांपेक्षा छोट्या सुखांकडे लक्ष देऊन रोजच्या जीवनात आनंदी कसं राहावं हे समजवायचा प्रयत्न केला होता मी. भरपुर लोकांना तो आवडला, काहींनी मला त्यांच्या जीवनातील चांगल्या गोष्टी पण सांगितल्या. मला असं वाटतं की अजून लोकांनी जर त्यांचे अनुभव मांडले आणि चांगल्या गोष्टी सांगितल्या तर आपल्या सगळ्यांनाच ही सवय लागेल. मी मला आवडणाऱ्या किंवा मला आनंदीत करणाऱ्या काही गोष्टी इथे मांडतो. [लेख : आजची चांगली गोष्ट – http://wp.me/pVzyA-9w]

खिशात किंवा एखाद्या जुन्या बॅगच्या कोपऱ्यात काहीतरी शोधताना पैसे सापडले की मस्त वाटतं. म्हणजे कुठेही पैसे सापडले की बरं वाटतं पण जर ते रस्त्यात पडलेले सापडले तर घ्यायला थोडं वाईट वाटतं. पण खिशात किंवा बॅग मध्ये सापडले तर नक्की आपलेच असतील असं वाटतं आणि मग आनंद होतो. कितीही कमी पैसे असले तरी तितकाच आनंद होतो.

अजून एक छोटा आनंद म्हणजे सकाळी सकाळी बेकरीचा वास. आपल्या घराजवळ बेकरी असेल किंवा आपण बेकरी जवळून कुठेतरी जात असलो तर सकाळी ब्रेड करण्याचा वास मस्त वाटतो. सकाळच्या वेळी आपल्याला प्रसन्न वाटत असतं आणि हा बेकरीचा वास आपल्याला अजून ताजंतवानं करून जातो.

बाथरूममध्ये असताना गाणं ही पण एक मजेशीर गोष्ट आहे. सहसा मला (आणि आपल्यातल्या बऱ्याच लोकांना) लोकं काहीही गायला सांगत नाहीत, कारण मी गायला लागलो तर एकतर असं दुर कुठेतरी कुत्रं रडतय असा भास होतो नाहीतर मी रोज रेतीने गुळण्या करतो असं वाटतं. म्हणून लोकांच्या कल्याणासाठी मी आपली ही कला फक्त बाथरूममध्ये असतानाच सादर करतो. पण तुमचं गाणं माझ्या गाण्याइतकं वाईट नसलं तरी बाथरूममध्ये गाण्यासारखं स्वातंत्र्य दुसरीकडे कुठेच नाही. या स्वातंत्र्यातून एक वेगळ्याच प्रकारचं सुख मिळतं आणि लोकांना (फारसा) त्रास पण होत नाही. म्हणून ही पण एक छोटीशी चांगली गोष्ट आहे.

— मयुरेश कुलकर्णी

  1. Anuja
    February 26, 2011 at 2:10 pm

    रोज रेतीने गुळण्या.. lolzz..😀
    me tula adhicha blog wachun comment dili hoti..pan i guess tuja mailbox full aslyane to jat nahiye..

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: